Lehiaketan parte hartzeko LIBURU-ZERRENDA atalean dauden liburuen artean bat aukeratu, irakurri eta horri buruzko BOOK-BIDEOA egin behar da.

  • Book-Bideoak Youtuben argitaratzean lotura edo esteka bat izango du. Hori kopiatu eta gorde.
  • Lehiaketa bi kategoria desberdinetan banatuta egongo da: 12-15 urte bitarteko gazteena (2003-2006 urteetan jaiotakoak) eta 16-18 urte bitarteko gazteena (2000-2002 urteetan jaiotakoak).

  • Partehartzaile bakoitzak gehienez 2 bideo aurkeztu ahal izango ditu lehiaketa honetara. Eta, gehienez ere, 4 kidek osa dezakete egile-taldea.

  • Bideo bakoitzaren iraupena gehienez 2 minutukoa izango da.
  • Ez da onartuko iraingarri gerta daitekeen edukirik.

  • Erandioko ikastetxe batean ikasten ez duten erandioztarren kasuan, blog honetan PARTE HARTU jartzen duen atalera sartu, bete eskatzen diren datu guztiak eta egin klik “Bidali” botoiaren gainean. Horrekin batera, 18 urte baino gutxiago duten egile guztien kasuan, GURASOEN BAIMENA atxiki beharko da, sinatuta.
  •        Epaimahaiak 3 sari emango ditu kategoria bakoitzeko:

1. saria:  Liburu-irakurgailu elektroniko bana Book-Bideo onenaren egileei

2. saria: 100 euroko bonu-txartel bana.

3. saria: 50 euroko bonu-txartel bana.

  • Epaimahaiak honakoa kontutan hartuko du:

– Iraupen egokia

– Kredituetan zein bideoan zehar honakoak agertzea: liburuaren azala, liburuari buruzko informazioa (egilea, itzultzailea, ilustratzailea…), erabilitako materialen jatorria aipatzea, book-bideoaren egileen izenak…

– Testuaren, irudien eta audioaren egokitasuna

– Originaltasuna eta ulergarritasuna

  • Lanak entregatzeko azken eguna apiriralen 12a izango da.

  • Epaimahaiaren ebazpena maiatzaren 17an blog honetan argitaratuko da.

  •       Lehiaketa behar bezala gauzatzeko zailtasunik izanez gero, antolatzaileak bertan behera uzteko       eskubidea izango du. Kasu horretan, beraz, sariak eman gabe geratuko lirateke.

OHAR GARRANTZITSUAK!

  1. Book-Bideoa euskaraz egin behar da.
  2. Aurrez beste inon argitaratu gabeko bideoa izan behar du eta ezin da bideo honekin beste lehiaketa batean parte hartu.
  3. Bideoak oinarrizko eskubide eta askatasunarekin koherentea izan behar du, pertsonen duintasuna eta adin txikikoen eskubideak errespetatu behar ditu. Ez da onartuko iraingarri gerta daitekeen inolako edukirik.
  4. Bideoak parte hartzaileek beraiek egindakoa izan beharko du. Jabetza intelektualaren eskubideak lehiaketako parte hartzaileenak izango dira osorik. Bideoan egile batek baino gehiagok parte hartu badu,
        egileetako baten izenean bidaliko da, baina izen-emate orrian beste guztien datuak jasoz.
  5. Bideoan agertzen diren pertsonen irudi eta datuak argitaratu ahal izateko, adinez txiki diren parte hartzaileen kasuan, derrigorrezkoa izango da gurasoen baimen sinatua eskuratzea. Baimena sinatua bidali ezean, Book-Bideoak ez dira lehiaketa kanalean argitaratuko eta ez dira lehiaketan sartuko.
  6. Bideoak Creative Commons lizentziapean argitaratuko dira youtuben. Lizentzia horrek beste erabiltzaileei bideoa berdin partekatzeko aukera emango die, beti ere jatorrizko egilea nor den aitortuz eta helburu ez  komertzialekin egiten bada.
  7. Lehiakideek aurkeztutako bideoak antolatzaileen komunikazio sareetan egon daitezke ikusgai. Halaber, behar izanez gero, parte hartzaile sarituei artxibo originala eskatu ahal izango diete antolatzaileek.
  8. Lehiaketa honetan parte hartzeak oinarri hauek onartzea dakar.
  9. Oinarri hauek betetzen ez dituena lehiaketatik kanpo geratuko da. Zalantzaren bat izanez gero, jarri harremanetan antolatzaileekin: bookbideoerandio@gmail.com